სახელმწიფო ინსპექტორი ლონდა თოლორაია საქართველოში ნორვეგიის საგანგებო და სრულუფლებიან ელჩს, ჰელენე სანდ ანდრესენს შეხვდა

შეხვედრაზე სახელმწიფო ინსპექტორი ნორვეგიის ელჩს სამსახურის მიერ მოკლე დროში მიღწეული შედეგების, გაუქმების მიზეზებისა და საკონსტიტუციო სარჩელის შესახებ ესაუბრა. სახელმწიფო ინსპექტორმა ჰელენე სანდ ანდრესენს მადლობა გადაუხადა სახელმწიფო ინსპექტორის სამსახურის შექმნასა და განვითარებაში შეტანილი წვლილისთვის, ასევე საქართველოს პარლამენტის მიერ სამსახურის გაუქმების პროცესში გამოხატული მხარდაჭერისთვის.

თავის მხრივ, ჰელენე სანდ ანდრესენმა მწუხარება გამოთქვა სახელმწიფო ინსპექტორის სამსახურის თაობაზე მიღებული გადაწყვეტილების გამო. ელჩმა განაცხადა, რომ არსებითად მნიშნელოვანია საზედამხედველო ორგანოს დამოუკიდებლობა და მიუკერძოებლობა. მისი თქმით, სახელმწიფო ინსპექტორის სამსახურმა, შეზღუდული რესურსების პირობებში, ქმედით უწყებად ჩამოყალიბება მოახერხა. მან ასევე აღნიშნა, რომ იზიარებს ეუთოს დემოკრატიული ინსტიტუტებისა და ადამიანის უფლებათა ოფისის დასკვნას სახელმწიფო ინსპექტორის სამსახურთან დაკავშირებული საკანონმდებლო ცვლილებების შესახებ.