პარლამენტში საქართველოს კვოტით ევროპის საბჭოს წამებისა და არაადამიანური ან დამამცირებელი მოპყრობის ან დასჯის აღკვეთის ევროპული კომიტეტის წევრობის კანდიდატთა შესარჩევი საკონკურსო კომისიის მორიგი სხდომა გაიმართა.

საკონკურსო კომისიის თავმჯდომარის, გივი მიქანაძის განცხადებით, კონკურსში მონაწილეობის მისაღებად დოკუმენტები ექვსმა კანდიდატმა წარადგინა.

„ექვსი კანდიდატიდან ორს სრულყოფილად აქვს წარმოდგენილი ინფორმაცია, ხოლო დანარჩენი კანდიდატები დახარვეზდნენ. დადგენილი  წესის თანახმად, ამ ოთხ კანდიდატს ხარვეზების გამოსასწორებლად სამი დღეა აქვთ. ჩვენ შევთანხმდით, ასევე, შეფასების კრიტერიუმებზეც. კომისიის გადაწყვეტილებით, 6 დეკემბერს გამოქვეყნდება სია ვინ გადავიდა მეორე ეტაპზე, ხოლო 13 დეკემბერს, ონლაინ რეჟიმში, კანდიდატებთან გასაუბრება ჩატარდება“, - განაცხადა გივი მიქანაძემ.

13 დეკემბერს გასაუბრება 11:00 საათზე დაიწყება.

ღია საჯარო კონკურსში მონაწილეობისთვის კანდიდატებს  განცხადება და შესაბამისი დოკუმენტაცია 2021 წლის 5 ნოემბრიდან 18 ნოემბრის ჩათვლით შეეძლოთ წარედგინათ.