Facebook-მა და Instagram-მა ქართული მეკობრული საიტების გვერდები წაშალა. იუწყება ორგანიზაცია საქართველოს ანტიმეკობრეული ცენტრი.
მათი ცნობით, გადაწყვეტილება Facebook-მა ევროკავშირის დირექტივიდან გამომდინარე მიიღო, რომლის თანახმადაც, სოციალური ქსელები ვალდებულნი არიან, თავიანთ პლატფორმაზე საავტორო უფლებები დაიცვან.
როგორც ირკვევა, Facebook-მა მეკობრული საიტების გვერდები ჰოლივუდის დიდი კინოსტუდიების გაერთიანების MPA (Motion Picture Association) მიმართვის საფუძველზე წაშალა.
"adjaranet, iMovies, croconet, qartulad, srulad, geosaitebi და სხვა საიტები, რომლებიც წლების განმავლობაში მოპარულ ფილმებსა და სერიალებს უკანონოდ ავრცელებდნენ სოციალურ ქსელებში აღარ იძებნება.
ინტელექტუალური საკუთრების დაცვის პროცესი საქართველოში კიდევ უფრო მასშტაბურ სახეს მიიღებს: მოსალოდნელია, რომ უახლოეს მომავალში მეკობრული ვებგვერდები Google-ის საძიებო სისტემაშიც შეიზღუდება", - ნათქვამია განცხადებაში.
