საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზაზე ტყის ხანძრების დროს ინციდენტის მართვის სამეთაურო კურსი დასრულდა.
ერთკვირიანი სასწავლო პროგრამა საქართველოში საფრანგეთის შინაგან საქმეთა სამინისტროს პოლიციის ატაშეს - ევრე ჟამეს მხარდაჭერით განხორციელდა და მას ფრანგი ინსტრუქტორები უძღვებოდნენ.
სამეთაურო კურსში საგანგებო სიტუაციების მართვის სამსახურის თბილისის და რეგიონალური სახანძრო დანაყოფების 16-მა მეხანძრე-მაშველმა მიიღო მონაწილეობა. კურსი მოიცავდა ისეთ საკითხებს, როგორიცაა: ტყის ხანძრის კლასიფიკაცია, მართვის დონე, მანევრები და ხანძრის ქრობის ტაქტიკა, ასევე, უსაფრთხოების წესები და სხვა.
სწავლების დასასრულს მონაწილეებს საგანგებო სიტუაციების მართვის სამსახურის სახანძრო-სამაშველო ძალების დეპარტამენტის უფროსმა - დავით სუხიშვილმა და საქართველოში საფრანგეთის შინაგან საქმეთა სამინისტროს პოლიციის ატაშემ - ევრე ჟამემ სერთიფიკატები გადასცეს.
