"გირჩი - მეტი თავისუფლება" და მისი ლიდერი ზურაბ ჯაფარიძე აცხადებს, რომ შინაგან საქმეთა სამინისტროს ჯადო გაუკეთეს.
პარტიის განცხადებით, ამ მიზნით სტამბოლიდან საგანგებოდ მოიწვიეს მჩხიბავი სტელა, რომელიც "მსოფლიოს 27 საუკეთესო მჩხიბავს შორის შედის".
როგორც იუწყებიან, ჯადოს გაკეთება პოლიტსაბჭოს გადაწყვეტილებით გადაწყდა.
"ქალბატონი სტელა სტამბოლიდან ჩამოვიყვანეთ და პოლიტსაბჭოსთან შეთანხმებით დავაგეგმინეთ ჯადო. იგი მეოთხე თაობის მჩხივაბია და მსოფლიოს საუკეთესო მჩხიბავთა 27-ეულში შედის.
ჩვენი მოთხოვნა არის “გირჩი-მეტი თავისუფლების” პოლიტიკოსების გათავისუფლება, რომებიც უკანონოდ დააკავეს. წინააღმდეგ შემთხვევაში ჯადოს არ მოვხსნით.
გთხოვთ გაითვალისწინოთ, რომ ჯადოს მოხსნა მხოლოდ ქ.ნ სტელას შეუძლია, რადგან მისი გამოყენებული მაგიის მოხსნა, კონკრეტულად მას მოითხოვს", - აცხადებენ პარტიაში.
