ვფიქრობთ, ხვალ დაანონსდება გადაწყვეტილება და დაიწყება 12-დან 15 წლამდე ბავშვების ვაქცინაცია, - ამის შესახებ ჯანდაცვის მინისტრის მოადგილემ, თამარ გაბუნიამ ტელეკომპანია "იმედის" ეთერში განაცხადა.
"ექსპერტების ჯგუფმა გაუწია რეკომენდაცია 12-დან 15 წლამდე ბავშვების აცრას „ფაიზერის“ ორივე დოზით. ამასთან დაკავშირებით ხვალ საბოლოო სახით იმსჯელებს ვაქცინაციის უწყებათაშორისი საბჭო და ვფიქრობთ, რომ ხვალვე დაანონსდება ამ გადაწყვეტილების შესახებ და დაიწყება ვაქცინაცია 12-დან 15 წლამდე ნებისმიერი ბავშვისთვის, ბუნებრივია მშობლის თანხმობით", - განაცხადა თამარ გაბუნიამ.
