სრულად ვაქცინირებულ პირებში მარტი-სექტემბრის პერიოდში ვაქცინით განპირობებული, ინფიცირებისგან დაცვის ეფექტიანობა 90%-ია, აცხადებს დაავადებათა კონტროლის ეროვნული ცენტრის ხელმძღვანელი. ამირან გამყრელიძის თქმით, შესაბამისი კვლევა ამ დღეებში გამოქვეყნდება.
"დიდი ალბათობით, ხვალ ან ზეგ დაიდება ჩვენი მეშვიდე გადახედვა, რომელიც დამთავრებულია. მინდა, რამდენიმე გზავნილი მოგცეთ მაინც, თუ როგორ იცავს აცრა. ანალიზი ჩატარებულია სექტემბრის ჩათვლით ანუ პირველი ოქტომბრის მონაცემებით.
სრულად ვაქცინირებულ პირებში ამ პერიოდში ვაქცინით განპირობებული, ინფიცირებისგან დაცვის ეფექტიანობა არის 90&ი. ამ პერიოდში 30 სექტემბრის პერიოდით აღებული სრულად ვაქცინირებული პირების ინფიცირების შანსი, ჩვენი კვლევით, არის 9,87-ით ნაკლები არავაქცინირებულ პირებთან შედარებით. ამ ხნის განმავლობაში, 30 სექტემბრის ჩათვლით, ქვეყანაში სრულად ვაქცინირებული იყო 814 851 და აქედან იდენტიფიცირებული იქნა 11 403, ვისაც ლაბორატორიულად დაუდასტურდა კოვიდის შემთხვევა“, – აღნიშნა ამირან გამყრელიძემ.