ზუსტად 2 წლის წინ, 2019 წლის 1 ნოემბერს, სახელმწიფო ინსპექტორის სამსახურმა საგამოძიებო უფლებამოსილების განხორციელება დაიწყო. სახელმწიფო ინსპექტორი ლონდა თოლორაია აცხადებს, რომ უწყება 2 წლის განმავლობაში ბევრი რამ შეძლო, თუმცა ბევრი რამ კიდევ მისაღწევია.
"ძალიან სასიამოვნო, თუმცა ამავდროულად ძალიან რთული პროცესია, როცა არაფრისგან რაღაც ძალიან მნიშვნელოვანის შენებას იწყებ და ყოველდღიურად ცდილობ კიდევ უფრო წინ წახვიდე.
ამ ორ წელში ბევრი რამ შევძელით, თუმცა ბევრი რამ კიდევ მისაღწევია. თამამად შემიძლია ვთქვა, რომ მყარი საძირკველი ჩაყრილია. ახლა მთავარია შევძლოთ და ამ მყარ საფუძველს ძლიერი და ქმედითი ინსტიტუტი დავაშენოთ.
მიუხედავად ჩვენს წინაშე არსებული არაერთი გამოწვევისა, ერთ რამეში შემიძლია დაგარწმუნოთ, ამ გუნდის თითოეული წევრი ორიენტირებულია ეფექტიანი გამოძიების ჩატარების გზით ადამიანის უფლებების დაცვაზე და არ იშურებს ძალისხმევას უპასუხოს სამსახურის მთავარ გამოწვევას - გაზარდოს საზოგადოების ნდობა ამ კატეგორიის დანაშაულების გამოძიების მიმართ", - აცხადებს ლონდა თოლორაია.
? ვრცლად - https://stateinspector.ge/.../ortsliani%20saqmianoba.pdf
