ჯანდაცვის მინისტრის, ეკატერინე ტიკარაძის განაცხადებით, ამ ეტაპზე დამატებითი შეზღუდვების დაწესება არ განიხილება.
ტიკარაძის თქმით, გავრცელებული ინფორმაცია, თითქოს 4 ნოემბრიდან ტრანსპორტის მუშაობის შეჩერება იგეგმება, სიცრუეა.
"ჯანდაცვის სამინისტრო მოსახლეობას დადგენილი რეგულაციების დაცვისა და ვაქცინაციისკენ მოუწოდებს. დამატებითი შეზღუდვების დაწესების აუცილებლობა ამ ეტაპზე არ განიხილება. თუ ვინმე ავრცელებს, რომ დამატებითი შეზღუდვების დაწესება იგეგმება, ეს არის ტყუილი და მოსახლეობის შეცდომაში შეყვანას ემსახურება. როგორც ჩანს, ამას გარკვეული ჯგუფები მიზანმიმართულად აკეთებენ", - განაცხადა ტიკარაძემ.
