საქართველოს ყოფილი პრეზიდენტის მიხეილ სააკაშვილის ადვოკატებმა საგანგებო განცხადება გააკეთეს, სადაც აღნიშნეს, რომ ციხის საავადმყოფოში სააკაშვილის გადაყვანის შემდეგ იგეგმება იმიტირებული ბუნტი და მესამე პრეზიდენტის ლიკვიდაცია.
ნიკა გვარამიას განცხადებით, ერთ-ერთი მთავარი მიზეზი, რის გამოც მიხეილ სააკაშვილის ციხის საავადმყოფოში გადაყვანა დაუშვებელია, უსაფრთხოებაა.
"ჩვენი ინფორმაციით, ციხის საავადმყოფოში გადაყვანა იქნება პირდაპირ უსაფრთხოების პრობლემების შემცველი და ეს პრობლემები იქნება იმიტირებული ჩვენი ინფორმაციით, ქვეყნის დღევანდელი ხელისუფლების მიერ. იქნება ე.წ. იმიტირებული ბუნტი, რომელიც დასრულდება მიხეილ სააკაშვილის ლიკვიდაციით, ესეთი ინფორმაცია გვაქვს ჩვენ", - ამბობს ნიკა გვარამია.