პარტია "საქართველოსთვის" თავმჯდომარემ, გიორგი გახარიამ 2021 წლის წინასაარჩევნო გარემო შეაფასა.
მისი განცხადებით, თვეების მანძილზე პარტიის მხარდამჭერებზე ხელისუფლების მიერ სისტემური ზეწოლა, დაშინება და დევნა მიმდინარეობდა
"რა მოხდა 2021 წლის არჩევნებზე და როგორია ჩვენი შეფასება: ბოლო 4 თვის განმავლობაში მმართველი პარტია სახელმწიფო ინსტიტუტების გამოყენებით - მათ შორის, მთავრობის მიერ კონტროლირებადი მედიასაშუალებების გამოყენებით, სისტემურად, თანმიმდევრულად ღიად, ამომრჩევლების დაშინების მიზნით ზეწოლას ახდენდა ჩვენს მხარდამჭერებზე. ფორმები ძალიან ბევრი იყო - მაგალითად დაშინება, პირდაპირი ზეწოლა ოჯახის წევრებზე, ბინძური ბრალდებები, პროპაგანდისტული, ცილისმწამებლური კამპანიები, ასეთი პირდაპირი ღია ბლოკი ზოგიერთ ტელევიზიაზე და თავის მართლების უფლების წართმევაც კი. მაშინ, როდესაც ეს ყველაფერი იყო რა თქმა უნდა ჩვენი მოქალაქეების ინფორმირებული არჩევანის გაკეთების შესაძლებლობის შეზღუდვა", - განაცხადა გიორგი გახარიამ.
გიორგი გახარიამ არჩევნების დღეც არასამართლიანად შეაფასა.
"არჩევნების დღეს სისტემური ხასიათი ჰქონდა ამომრჩევლის მოსყიდვას, ხმის მიცემის ფარულობის დარღვევას, არჩევნების დღეს სისტემური ხასიათი ჰქონდა კარუსელებს, ამიტომ:2 ოქტომბრის არჩევნებს ჩვენ ვაფასებთ როგორც არასამართლიანს, სადაც საქართველოს მოქალაქეს არ ჰქონდა საკუთარი ნების გამოხატვის შესაძლებლობა თავისუფალ და სამართლიან გარემოში და ეს ქართული დემოკრატიისთვის უკან გადადგმული ნაბიჯია!", - განაცხადა პარტია "საქართველოსთვის" თავმჯდომარემ.
