„ეპიდემიოლოგიური სიტუაცია ნამდვილად დასტაბილურდა, თუმცა ასევე უნდა აღინიშნოს, რომ მკვეთრი კლება აღარ შეინიშნება", განაცხადა ჯანდაცვის მინისტრმა. ეკატერინე ტიკარაძის განმარტებით, საავადმყოფოებში არის სტაბილური მდგომარეობა, არ არის ადგილების დეფიციტი.
"ჩვენ ვსაუბრობთ იმასთან დაკავშირებით, თუ რა რეკომენდაციები იქნება გაცემული საბჭოს მიმართებაში ჯანდაცვის სამინისტროს და დაავადებათა კონტროლის ეროვნული ცენტრის მხრიდან იმისათვის, რომ ინფიცირებულთა კლება კვლავ ინტენსიურად გაგრძელდეს. ჯერჯერობით არ გვაქვს ზუსტი გეგმა ამასთან დაკავშირებით ჩამოყალიბებული, თუმცა სამინისტროს და დაავადებათა კონტროლის ეროვნული ცენტრის ინტენსიური კონსულტაციის ფარგლებში ამასთან დაკავშირებით მიმდინარეობს გარკვეული კონსულტაციები. საავადმყოფოებში არის სტაბილური მდგომარეობა, ჩვენ არ გვაქვს ადგილების დეფიციტი, თუმცა, რა თქმა უნდა, ვინარჩუნებთ იმ მობილიზაციას, რომელიც გამოცხადებული იყო ამ პერიოდამდე“, - განაცხადა მინისტრმა.
