- სამართალი 17 სექტემბერი 2021, 10:04
კახეთში ხე-ტყის უკანონო მოპოვებისა და ტრანსპორტირების 2 ფაქტი გამოავლინეს
გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლებმა ხე-ტყის უკანონო მოპოვებისა და ტრანსპორტირების 2 ფაქტი გამოავლინეს.
ყვარლის მუნიციპალიტეტის სოფელ ახალსოფლის მიმდებარე ტყეში, მოქალაქემ უკანონოდ დაამზადა 2 კუბური მეტრი რცხილის სახეობის საშეშე მერქანი და მისი უკანონო ტრანსპორტირება მოახდინა.
ახმეტის მუნიციპალიტეტის სოფელ ჩაჩხრიალის მიმდებარედ კი, მოქალაქემ უკანონოდ მოჭრა 3 ერთეული წიფლის სახეობის ხე-მცენარე და მისგან მიღებული 11 ერთეული მრგვალი ხე-ტყის (მორი) უკანონო ტრანსპორტირება მოახდინა.
ავტომანქანები დაილუქა. სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები.
