"ევროპული საქართველოს" ლიდერებმა გიგა ბოკერიამ, გიგი წერეთელმა და აკაკი ბობოხიძემ ქუთაისში იმერეთის რეგიონის მერობის, მაჟორიტარებისა და საკრებულოს დეპუტატობის კანდიდატები წარადგინეს.
"ეს არის ჩვენი ყველას შანსი, მე ვიტყოდი ვალდებულება რომ ეს შანსი გამოვიყენოთ, რომ წერტილი დავუსვათ იმ ხელისუფლებას, ივანიშვილის რეჟიმს, რომელიც წლებია, ყველას თვალწინ ზიანს აყენებს ჩვენი ეროვნულ ინტერესებს, მაგრამ ახლა იმ ზღვარს მიუახლოვდა, რომლის იქითაც რისკის ქვეშ მარტო ჩვენი თაობის წარმომადგნელები არ არიან, ჩვენი მომავალი თაობების შესაძლობების ბედია, რომ ნორმალურ, თავისუფალ ქვეყანაში ვიცხოვროთ ერთად", - განაცხადა "ევროპული საქართველოს" თავმჯდომარე გიგა ბოკერიამ ქუთაისში რეგიონალური გუნდის წარდგენისას.
გიგა ბოკერიას განცხადებით, "ევროპული საქართველოს" გუნდის გზავნილი არის ძალიან მკაფიო, ეს არ არის ჩვეულებრივი თვითმმართველობის არჩევნები, ეს არ არის ჩვეულებრივი არჩევნები, ეს არის ჩვენი ყველას შანსი, რომ წერტილი დავუსვათ იმ ხელისუფლებას, ივანიშვილის რეჟიმს, რომელიც წლებია, ყველას თვალწინ ზიანს აყენებს ეროვნულ ინტერესებს,
"ახლა იმ ზღვარს მიუახლოვდა, რომლის იქითაც რისკის ქვეშ მარტო ჩვენი თაობის წარმომადგნელები არ არიან, ჩვენი მომავალი თაობების შესაძლობების ბედია, რომ ნორმალურ, თავისუფალ ქვეყანაში ვიცხოვროთ ერთად. ძალადობა, სიძულვილი, პუტინისტური ჯგუფების გაძლიერება, საერთაოშორისო ასპარეზზე საქართველოს ინტერესების დაზიანება და რუკიდან გაქრობა პუტინის ინტერესების სასარგებლოდ, ქვეყნის შიგნით მოქალაქეების ინტერესების უტიფრად ფეხებზე დაკიდება, რისი მაგალითიც არის კოვიდზე რაც ქნეს და ვაქცინაციაზე, ჩვენივე ფულით, მაღალი გადასახადებით ამ ძალადობრივი მანქანის დაფინანსება და რაც მთავარია უნდობლობის დათესვა ყველაფრის მიმართ, რაც არის დაკავშირებული სამოქალაქო, საზოგადოებრივ აქტიურობასთან, პოლიტიკასთან იმის დამკვიდრება, რომ ყველაფერი მოსულა ცილისწამების ნიაღვარია მთავარი, ეს უნდა დავანგრიოთ, ჩვენ "ევროპულ საქართველოს", რომლის სიტყვას ნდობაც ყოველთვის შეიძლება გვაქვს მოვალეობა, რომ თითოეულ მოქალაქეს ავუხსნათ, რომ სიტყვას ფასი აქვს, რომ საქართველოს დიდი მომავალი აქვს და ივანიშვილის რეჟიმის დამარცხების შემდეგ ჩვენ ვიქნებით ფასეულობების სადარაჯოზე, მადლობა თქვენ ყველას ამ ბრძოლაში მონაწილეობისთვის", - თქვა ბოკერიამ.
"ევროპული საქართველოს" იმერეთის რეგიონის მერობის, მაჟორიტარებისა და საკრებულოს დეპუტატობის კანდიდატების სია ასე გამოიყურება:
ქუთაისი - დავით გოგისვანიძე
ქუთაისი და უქიმერიონი - გუმათის ოლქში შეთანხმებული მაჟორიტარობის კანდიდატი - ამირან ძოწენიძე
სამტრედია - ჟუკიანა ფოფხაძე - ოპოზიციის შეთანხმებული მერობის კანდიდატი
საკრებულოს სიის ნომერი პირველი - ავთანდილ სტურუა
ხონის საერთო ოპოზიციური მერობის კანდიდატი - ზურაბ ჯიბუხაია
ხონის სიის ნომერი პირველი - დავით ჭავჭანიძე
ტყიბულში საერთო ოპოზიციური მაჟორიტარობის კანდიდატი - მადონა გაბელაშვილი
თერჯოლა - ტარიელ ფანჩულიძე
წყალტუბოში სიის ნომერი პირველი - სევერიონ გორდულაძე
ზესტაფონი - გელა სხილაძე
ჭიათურა - თენგის სამხარაძე
ბაღდათი - შალვა დათუაძე
ვანი - კობა ძაგნიძე
საჩხერე - კობა მოდებაძე
ხარაგაული - აკაკი მაჭავარიანი
