"ვართ ძალიან რთულ სიტუაციაში გლობალურად და დროთა განმავლობაში, როდესაც გადაივლის ეს ეფექტები და როდესაც დავუბრუნდებით პანდემიამდელ მდგომარეობას მაკროეკონომიკური მაჩვენებლებიც დაუბრუნდება ძველ მაჩვენებლებს", აცხადებს სებ-ის პრეზიდენტი. კობა გვენეტაძის განმარტებით, საერთაშორისო დონეზე ფასები მნიშვნელოვნადაა გაზრდილი და არ დაგვავიწყდეს, რომ შიდა მოთხოვნაც გაზრდილია.
"ეკონომიკურმა ზრდამ წლის პირველ ნახევარში დაახლოებით 13 პროცენტი შეადგინა. დაკრედიტების ზრდის ტემპიც საკმაოდ მაღალია. შეიძლება ითქვას, სასურველზეც უფრო მაღალია ასეთ სიტუაციაში და იმის გამო, რომ ჩვენთან ინფლაცია მიზნობრივზე მაღალი 2019 წლიდან არის, რუსეთის ფედერაციიდან ფრენების აკრძალვის გამო, ამან კიდევ უფრო რთული სიტუაცია შექმნა ინფლაციასთან დაკავშირებით. სწორედ ამ გარემოებების ფონზე იმისათვის, რომ დროებითი ფაქტორების შედეგად ფასების ზრდამ ინფლაციის მოლოდინებზე მუდმივი გავლენა არ მოახდინოს, ეროვნული ბანკის ბანკის განზრახვა არის, რომ უფრო ხანგრძლივად შეინარჩუნოს გამკაცრებული მონეტარული პოლიტიკა და საჭიროების შემთხვევაში, კიდევ უფრო გამკაცრებასაც მიმართოს“, – განაცხადა კობა გვენეტაძემ.
