ბულგარეთის ერთ-ერთ წამყვან ჟურნალ "ვოიაჟში" ბულგარეთში საქართველოს ელჩის თამარ ლილუაშვილის ინტერვიუ გამოქვეყნდა, სადაც ელჩი COVID-19-ით გამოწვეულ სირთულეებსა და საქართველო-ბულგარეთს შორის პირდაპირი რეისების აუცილებლობაზე საუბრობს. თამარ ლილუაშვილმა ხაზი გაუსვა, რომ მასობრივი ვაქცინაციით შევძლებთ ცხოვრების ჩვეულ რიტმში დაბრუნებას და დასახული მიზნის ბოლომდე მიყვანას, რომელიც საქართველოსა და ბულგარეთს შორის მიმოსვლის გამარტივებას გულისხმობს, თუნდაც ჩარტერული რეისებით, რაც ხელს შეუწყობს ტურიზმის განვითარებას ორივე ქვეყანაში.
ინტერვიუში ელჩმა ისაუბრა ასევე, ეკო და აგრო ტურიზმზე, როგორც მზარდ ტენდენციაზე და აღნიშნა, რომ საქართველო როგორც ტურისტულად მოთხოვნადი მიმართულება, აქტიურად მუშაობს კონკურენტუნარიანი სერვისის შექმნასა და მომხმარებლის სურვილების დაკმაყოფილებაზე.
- როგორც ბულგარეთში საქართველოს ელჩმა, დიდი ძალისხმევა გაიღეთ საქართველოსა და ბულგარეთს შორის არსებული ტურისტული კავშირების გასაცნობად, მაგრამ აღნიშნული, სამწუხაროდ პანდემიის გამო შეჩერდა. რა იქნება პირველი, რასაც გააკეთებთ ამ მდგომარეობის გამოსწორების შემდეგ?
თამარ ლილუაშვილი: მე პოზიტიურად ვარ განწყობილი, რომ მალე ჩვენ დავუბრუნდებით ჩვეული ცხოვრების რიტმს და საქმიანობას. მასობრივი ვაქცინაციით კი, დავამარცხებთ პანდემიას.
როდესაც ბულგარეთში პირველად ჩამოვედი, მიზნად დავისახე, რომ ჩვენს ქვეყნებს შორის მინიმუმ ჩარტერული ფრენები მაინც განხორციელებულიყო.
მე მჯერა, რომ ჩვენი ქვეყნების კეთილდღეობისა და სამომავლო ურთიერთობებისთვის აუცილებელია პირდაპირი ფრენების არსებობა. ვაგრძელებ ამაზე მუშაობას და დარწმუნებული ვარ, რომ მალე პანდემიის დასრულების შემდეგ, შევასრულებთ ჩვენს მისიას და ჩარტერულ ფრენებს დავნიშნავთ საქართველოში, რათა მოვიზიდოთ ტურისტები, რომელთაც სურთ დაათვალიერონ ჩვენი ულამაზესი ქვეყანა.
- გასული წლიდან, ტურისტული ბიზნესი საგრძნობლად შეიცვალა. რა არის ქვეყნის მთავარი გამოწვევა ამ რთულ პერიოდში? რა სიახლეებია საქართველოში შესვლის რეგულაციებთან დაკავშირებით? და რას უნდა ელოდონ ტურისტები თუ ამ ზაფხულს საქართველოში მოგზაურობას გადაწყვეტენ?
- პანდემიამდე ტურიზმის ინდუსტრია საქართველოში ერთ-ერთი ყველაზე მზარდი იყო. რომელმაც ქვეყანაში რეკორდულ ნიშნულს 9,3 მილიონზე მეტ ტურისტს მიაღწია. ამიტომ, საქართველოს მთავრობისთვის ეკონომიკის აღსადგენად ტურიზმი პრიორიტეტულ მიმართულებას წარმოადგენს. საქართველო ტურიზმის განახლების მიზნით საზღვრებს თანდათანობით ხსნის ყველანაირი უსაფრთხოების ზომების გათვალისწინებით, ამჟამად კი 47 ქვეყნის ტურისტს შესაძლებლობა აქვს ესტუმროს საქართველოს, ბოლო 72 საათის განმავლობაში გაკეთებული PCR ტესტი პასუხით შედეგით ან სრული ვაქცინაციის დამადასტურებელ სერტიფიკატით.
საქართველოს მიერ დაწესებულ იქნა მკაცრი უსაფრთხოების პროტოკოლი აეროპორტებში, სასტუმროებში, რესტორნებსა და ტრანსპორტში.
ზემოაღნიშნული სტანდარტების განხორციელება უზრუნველყოფს როგორც საერთაშორისო ვიზიტორების, ასევე ადგილობრივი მოსახლეობის უსაფრთხოებას. აღსანიშნავია, რომ ვაქცინაციის პროცესში პრიორიტეტულ ჯგუფად ითვლებიან კერძო ტურიზმის სექტორის წარმომადგენლები. ამჟამად მოთხოვნა ეკო და აგრო ტურიზმზე, როგორც მზარდი ტენდენცია, მნიშვნელოვნად იზრდება, შესაბამისად, საქართველო როგორც ტურისტულად მოთხოვნადი მიმართულება, აქტიურად მუშაობს კონკურენტუნარიანი სერვისის შექმნასა და მომხმარებლის სურვილების დაკმაყოფილებაზე.
- საქართველო ტურისტული სფეროს ამომავალი ვარსკვლავი იყო. ბევრი ბულგარელი ჟურნალისტი, სატელევიზიო გუნდი თუ ღვინის ბლოგერი ეწვია საქართველოს და მართლაც დიდი შთაბეჭდილებით დატოვა თქვენი ქვეყანა. როგორ აპირებს საქართველო Covid-19 -ით მიყენებული ზარალის აღდგენას?
- ბოლო წლების განმავლობაში, საქართველოში ტურიზმის სექტორი დინამიურად გაიზარდა მრავალი სხვადასხვა მიმართულებით.
ჩვენ მივაღწიეთ უამრავ მნიშვნელოვან მიზანს და გავხდით ერთ-ერთი მაგალითი იმისა, თუ როგორ შეუძლია პატარა ქვეყანას საკუთარი თავის ტრანსფორმაცია ტურიზმის განვითარების გზით. კრიზისის პირველივე დღიდან, საქართველოში ტურისტულ ბიზნესს დიდი მხარდაჭერა ჰქონდა სხვადასხვა შეღავათებითა და პროგრამებით.
დარწმუნებული ვარ, რომ დიდი დრო არ დასჭირდება ეპიდემიოლოგიური მდგომარეობის მკვეთრ გაუმჯობესებას და სხვადასხვა შეზღუდვების მოხსნის შემდეგ, ვიზიტორების რაოდენობის შემდგომ ზრდას დავინახავთ.
- თქვენ თავად ხართ აქტიური მოგზაური, შეიძლება ითქვას კიდეც მსოფლიოს მოქალაქე, ამიტომ საკმაოდ კარგად იცნობთ მოგზაურობის გლობალურ ტენდენციებს. თქვენი დაკვირვებით რას ეძებენ ყველაზე აქტიური მოგზაურები ახლა და ელით თუ არა ძირეულ ცვლილებებს?
- მოგზაურობა ძალიან პატარა ასაკიდან დავიწყე და ვმოგზაურობდი სხვადასხვა ადგილას. თითოეული ქვეყნის მრავალფეროვნებისა და უნიკალურობის დანახვა დამეხმარა ცხოვრებაში საკუთარი მოსაზრებების ჩამოყალიბებაში. ბოლო ერთი წლის განმავლობაში რთული იყო სახლში ყოფნა, მაგრამ ახლა ჩვენ ნელ-ნელა ვიწყებთ მოგზაურობას. ვფიქრობ, პატარა ქვეყნებში ვიმოგზაურებ.
ამ ეტაპზე, პანდემიის დროს, პატარა ქვეყნებმა აჩვენეს კარგი მენეჯმენტი და ადგილობრივ ტურისტულ ინდუსტრიებს უფრო მეტი ინიციატივა აქვთ უცხოელი მოგზაურებისთვის.
- რა არის სრულყოფილი მოგზაურობისა და დასვენების თქვენი პირადი განმარტება?
- შესანიშნავი მოგზაურობის ჩემეული ხედვა, წლების განმავლობაში ვითარდებოდა და ვფიქრობ, რომ ეს ასაკთან ერთად მოდის. ეს დაიწყო ცნობისმოყვარეობიდან, სათავგადასავლო მოგზაურობიდან, გართობამდე, სიამოვნებამდე, საქმიანი მოგზაურობიდან, ახლა უკვე ოჯახურ მოგზაურობამდე. 2 მცირეწლოვანი ბავშვით, დღეს ჩვენი მოგზაურობის მიმართულებები ოჯახისთვის შესაფერისი ქვეყნებია.
საქართველო კი შესანიშნავია ასეთი ოჯახური მოგზაურობისთვის.
- თქვენი აზრით რა ტენდენცია იქნება მომავალი სეზონებისთვის?
- ვფიქრობ, ახალი ტენდენცია იქნება ეკო მეგობრულ ქვეყნებში მოგზაურობა და ახალი აღმოჩენები.
აგრეთვე ვფიქრობ, რომ ტურიზმი მოთხოვნადი გახდება რეკრეაციულ ადგილებში, როგორიცაა ბალნეოლოგიური აბაზანები, აგრეთვე იმ ადგილებში, სადაც არის მინერალური წყლები, ტალახის აბაზანები და ა.შ.
- რომელ მოგზაურობაში მიგიღიათ დაუვიწყარი გამოცდილება? გაქვთ თუ არა საყვარელი დასასვენებელი ადგილი?
მე ყოველთვის მსიამოვნებს საქართველოში დროის გატარება. ტურები საქართველოში ღვინის რეგიონში, განსაკუთრებული ტრადიციებით და სტუმართმოყვარეობით, დაუვიწყარი გამოცდილებაა.
მე გირჩევთ, გაატაროთ შვებულება საქართველოში, რათა აღმოაჩინოთ მისი სილამაზე და უნიკალურობა.
ინტერვიუ თავდაპირველად გამოქვეყნდა ჟურნალ "ვოიაჟში" 2021 წლის 28 ივნისს