„საქართველოს ხელისუფლება თუ სასწრაფოდ გონს არ მოეგო, ჩვენი ურთიერთობები აშშ-თან, ერთადერთ მოკავშირესთან, ვისი იმედიც შეიძლება, გვქონდეს სამყაროში, დღითიდღე უარესდება და ჩვენ ნელ-ნელა გვიყურებენ როგორც არასერიოზულ და არაამერიკულ ქვეყანას", აცხადებს "გირჩის" ერთ-ერთი ლიდერი იაგო ხვიჩია. მისი განმარტებით, თუ ეს განცდა საბოლოო ჯამში ბოლომდე მივიდა, იქნება დამღუპველი ამ ქვეყნისთვის და მას გახდის უპერსპექტივოს.
"ამ ქვეყანაში ცხოვრებას პერსპექტივა აღარ ექნება. ყველას ეცოდინება, რომ ეს არის ანტიამერიკული ქვეყანა. ჩვენ რაც გამოგვარჩევდა, იმას ვკარგავთ „ქართული ოცნების“ გაუაზრებელი პოლიტიკის შედეგად. ეს მინდა, ადამიანებმა კარგად გაიხსენონ ამ წინასაარჩევნოდ“, – განაცხადა იაგო ხვიჩიამ.