უკრაინასა და საქართველოს შორის სავაჭრო-ეკონომიკური ურთიერთობების გაღრმავებაზე ამიერიდან საქართველო - უკრაინის ბიზნეს ასოციაცია იზრუნებს, რომელიც ახლახანს დაფუძნდა.
"მოხარულები ვართ გაცნობოთ, რომ დაფუძნდა საქართველო - უკრაინის ბიზნეს ასოციაცია, რომელიც ხელს შეუწყობს:
საქართველოსა და უკრაინას შორის ინვესტირების პროცესის მხარდაჭერას და სავაჭრო ურთიერთობების გაღრმავებას;
უკრაინაში საქართველოს, როგორც ინვესტიციებისა და ბიზნესის წარმოებისათვის ხელსაყრელი გარემოს მქონე ქვეყნის წარმოჩენას;
ასოციაციის წევრების საერთო ეკონომიკური ინტერესების დაცვასა და მხარდაჭერას;
ორი ქვეყნის კომპანიებს, მთავრობებს, სამოქალაქო საზოგადოებებსა და ინსტიტუტებს შორის კავშირების გაფართოებას", აღნიშნულია საქართველო - უკრაინის ბიზნეს ასოციაციის განცხადებაში.
