„ეთიკის საბჭოს შექმნის შესახებ“ საქართველოს პარლამენტის 2021 წლის 4 თებერვლის დადგენილებაში ცვლილების შეტანის შედეგად, პარლამენტის ეთიკის საბჭოს შემადგენლობაში 8-ის ნაცვლად 12 წევრი იქნება.
ამის შესახებ დღეს საპროცედურო საკითხთა და წესების კომიტეტში იმსჯელეს.
საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის თქმით, იმის გამო, რომ პარლამენტში ახალი ფრაქციები და პოლიტიკური ჯგუფები შეიქმნა, ეთიკის საბჭოს წევრთა რაოდენობა 12-მდე გაიზრდება, მათგან 6 წევრი იქნება საპარლამენტო უმრავლესობიდან, 6 - საპარლამენტო ოპოზიციიდან.
კომიტეტის წევრებმა მისაღებად მიიჩნიეს წარმოდგენილი ცვლილება და მხარი დაუჭირეს მის გატანას პლენარულ სხდომაზე.
