ესტონეთი საქართველოსკორონავირუსის საწინააღმდეგ ვაქცინის 100 000 დოზას გადასცემს. ინფორმაციას ესტონეთის საგარეო საქმეთა სამინისტრო ავრცელებს.
"ესტონეთი თავის მხარდაჭერას გამოხატავს აღმოსავლეთ პარტნიორობის ქვეყნების მიმართ ვაქცინის დოზების გადაცემით. მოლდოვას გადაეცემა ვაქცინის 100 000 დოზა და ასევე, 100 000 დოზა გადაეცემა ჩვენს პარტნიორ საქართველოს", – ნათქვამია ესტონეთის საგარეო უწყების განცხადებაში.
ამ განცხადების გამოქვეყნებამდე, ესტონეთის პრემიერ-მინისტრმა კაია კალასმა განაცხადა, რომ ესტონეთი სხვადასხვა ქვეყანას, მათ შორის აღმოსავლეთ პარტნიორობის ქვეყნებს ვაქცინის 900 000 დოზას გაუნაწილებდა.
ესტონეთი "ასტრაზენეკას" ვაქცინის დოზებს სხვადასხვა ქვეყანას ჯანმრთელობის მსოფლიო ორგანიზაციის კოვაქს პლატფორმის მეშვეობით გაუნაწილებს, აღმოსავლეთ პარტნიორობის ქვეყნებს კი პირდაპირ გადასცემს.