46 წლის მამაკაცი, რომელიც პოლიციის შენობიდან გადახტა "გერმანულ კლინიკაშია" მოთავსებული. როგორც მკურნალმა ექიმმა "რუსთავი 2"-თან საუბრიდას აღნიშნა, მამაკაცის მდგომარეობა უკიდურესად მძიმეა.
ექიმის თქმითვე, პაციენტს აქვს გულ-მკერდის დახურული ტრავმა, გატეხილი აქვს ნეკნები აქვს, ასევე ცხვირი და იდაყვი, მას დაზიანებული აქვს სხეულის უმეტესი ნაწილი.
პაციენტი აპარატულ სუნთქვაზეა გადაყვანილი
მამაკაცი, რომელიც დღეს პოლიციის განყოფილებიდან გადახტა ყოფილმა ცოლმა ძალადობის გამო უჩივლა, როგორც ირკვევა ყოფილი ცოლი საზღვარგარეთ ცხოვრობდა და საქართველოში რამდენიმე დღის წინ დაბრუნდა.
შემთხვევის ადგილზე ახლა სახელმწიფო ინსპექტორის სამსახური იმყოფება და ადგილზე საგამოძიებო მოქმედებები მიმდინარეობს, ამასთან დაიკითხება ყველა პირი, ვინც საქმესთან შესაძლო შემხებლობაშია.
გამოძიება 342-ე მუხლით მიმდინარეობს, რაც სამსახურეობრივ გულგრილობას გულისხმობს.