მაშველები ქობულეთსა და კვარიათში ერთდროულად ზღვაში გაუჩინარებულ ორ კაცს ეძებენ. შემთხვევები კვარიათსა და ქობულეთის სანაპიროზე დღეს მოხდა. ამ დრომდე გაურკვეველია, რა ვითარებაში გაუჩინარდნენ კაცები.
საგანგებო სიტუაციების მართვის სამსახურის ინფორმაციით, სამძებრო სამუშაოები ორივე სანაპიროზე შეტყობინების მიღებისთანავე დაიწყო.
საგანგებო სიტუაციების სამსახურის ცნობით, სამაშველო ოპერაციაში 30-მდე მაშველი, შვიდი მყვინთავი, ორი კატარღა და დრონებია ჩართული.
