ევროპაში გაზრდილი ინფლაციური წნეხის ფონზე ევროპულ ობლიგაციებზე შემოსავლიანობა იზრდება. "გალტ ენდ თაგარტის" კვლევის თანახმად, ინვესტორთა ინტერესი კონცენტრირებულია 10 ივნისს ცენტრალური ბანკის შეხვედრაზე, სადაც ანალიტიკოსების გარკვეული ნაწილი ობლიგაციების შესყიდვის პროგამის ეტაპობრივ შენელებას მოელის.
მაისში რეგიონულ სუვერენულ ევროობლიგაციებზე შემოსავლიანობა შემცირდა (აღსანიშნავია, რომ ობლიგაციების შემოსავლიანობა და ფასი უკუპროპორციულია). UKRAINE 26-მა მაისში ყველაზე კარგი შედეგი აჩვენა, შემოსავლიანობა 86.6სპ-ით შემცირდა 3 თვიან მინიმუმამდე, რაც პოლიტიკური სიტუაციის დასტაბილურებას უკავშირდება.
მაისში ასევე კარგი შედეგი აჩვენეს ARMENIA 25 და TURKEY 26, რომლებზეც შემოსავლიანობა შესაბამისად 45სპ-ით და 37სპ-ით შემცირდა.
აღსანიშნავია, რომ ინვესტორთა ინტერესი შენარჩუნდა საქართველოს ახალ ევროობლიგაციაზე (GEORGIA 26), შემოსავლიანობა კიდევ უფრო შემცირდა და 1-ლი ივნისისთვის 2.47% შეადგინა. რეგიონის ქვეყნებს შორის ყველაზე ცუდი შედეგი BELARUS 27-მა აჩვენა, რომლის შემოსავლიანობა 70სპ-ით გაიზარდა, რაც გაუარესებულ პოლიტიკურ სიტუაციას და ამერიკის მხრიდან დაწესებულ სანქციებს უკავშირდება.
