აშშ ტერორიზმის სპონსორ ქვეყანათა სიიდან სირიის ამოღების პროცესს იწყებს. ამის შესახებ ნათქვამია აშშ-ის სახელმწიფო მდივანის მარკო რუბიომ განცხადებაში.
რუბიოს განმარტებით, აშშ-ის პრეზიდენტმა დონალდ ტრამპმა კონგრესს აცნობა, რომ მისი ადმინისტრაცია სირიის აღნიშნული სიიდან ამოღებას გეგმავს.
პროცედურა კონგრესის მიერ 45-დღიანი განხილვის შემდეგ დასრულდება. ამ პერიოდში კანონმდებლები ადმინისტრაციის მიერ წარდგენილ მასალებს შეისწავლიან და შეაფასებენ, არსებობს თუ არა ამ გადაწყვეტილებისთვის საკმარისი საფუძველი.
რუბიოს განცახდების თანახმად, სირიისთვის სანქციების მოხსნა საერთაშორისო ვაჭრობისა და ინვესტიციების ახალ შესაძლებლობებს შექმნის.
აღნიშნული გადაწყვეტილება მოჰყვება ტრამპის 2025 წლის ივნისის განკარგულებას სირიის წინააღმდეგ სანქციების გაუქმების თაობაზე, პოზიტიურ ცვლილებებსა და ტერორიზმის საწინააღმდეგო ქმედებებს, რომლებიც სირიამ პრეზიდენტი აჰმედ ალ-შარაას პირობებში განახორციელა, და პრეზიდენტი ალ-შარაას ფორმალურ გარანტიებს, რომ სირია მომავალში მხარს არ დაუჭერს საერთაშორისო ტერორისტულ ქმედებებს.
„დღეს მნიშვნელოვანი ეტაპია აშშ-სირიის აღდგენილ ორმხრივ ურთიერთობებში და სირიის, როგორც ერის ისტორიაში. ჩვენ ვაფასებთ სირიის მთავრობას ახალი კურსის დასახვისთვის და მოუთმენლად ველით სირიასთან და მის ხალხთან ჩვენი პარტნიორობის გაძლიერებას“, - ნათქვამია განცხადებაში.
