აშშ-ის პრეზიდენტმა დონალდ ტრამპმა განაცხადა, რომ ევროპიდან დამატებითი ამერიკული სამხედრო კონტინგენტის გაყვანის შესახებ საბოლოო გადაწყვეტილება დამოკიდებული იქნება როგორც გრენლანდიის საკითხის განვითარებაზე, ისე ირანის მიმართ ევროპელი მოკავშირეების შემდგომ ქმედებებზე.
ამის შესახებ ტრამპმა Air Force One-ის ბორტზე ჟურნალისტებთან საუბრისას განაცხადა.
„საბოლოო გადაწყვეტილება ჯერ არ მიმიღია. ბევრი რამ გრენლანდიაზეა დამოკიდებული და ძალიან ბევრი, ვფიქრობ, ეს გესმით. შესაძლოა, ეს გავაკეთო. ბევრი რამ ასევე ირანზეც არის დამოკიდებული,“ - განაცხდა ტრამპმა.
აშშ-ის პრეზიდენტმა ევროპელი პარტნიორების ქმედებებით იმედგაცრუებაც გამოთქვა და აღნიშნა, რომ მათი სურვილი, ახლა დაეხმარონ შეერთებულ შტატებს ირანის საკითხში, უკვე დაგვიანებულია.
მისი თქმით, როდესაც ვაშინგტონს მხარდაჭერა ნამდვილად სჭირდებოდა, ევროპელმა მოკავშირეებმა დახმარებისგან თავი შეიკავეს. ახლა კი, ტრამპის შეფასებით, აშშ-ს დამოუკიდებლად შეუძლია ვითარების მართვა და მოკავშირეების დამატებითი სამხედრო ძალები აღარ სჭირდება.
„მათ (ევროპელებს) ახლა დახმარება სურთ, მაგრამ ცოტა გვიანია, რადგან, ფაქტობრივად, იქ (ირანში) საბრძოლო მოქმედებები უკვე დიდად აღარ მიმდინარეობს. როდესაც მათ დახმარების შესაძლებლობა ჰქონდათ, ამის გაკეთება არ ისურვეს, თუმცა ჩვენ ამას ვითომ ვივიწყებთ.“
