"სინოფარმის" უსაფრთხოება და ეფექტურობა მსოფლიოს ძალიან ბევრმა ქვეყანამ აღიარა - განაცხადა ჩინეთის ელჩმა ლი იენმა საქართველოს დაავადებათა კონტროლის ცენტრში გამართულ ბრიფინგზე.
ელჩის განცხადებით, "სინოფარმის" ვაქცინის დაახლოებით 100 მილიონზე მეტი დოზა მსოფლიოს მასშტაბით უკვე გამოყენებულია და სერიოზული გვერდითი ეფექტები არ მოჰყოლია.
"სინოფარმის" ვაქცინა დამზადებულია ტრადიციული, სანდო ვირუსის ინაქტივირების მეთოდით, ამიტომ მას აქვს ძალიან ცოტა გვერდითი მოვლენა. ვაქცინის დაახლოებით 100 მილიონზე მეტი დოზა უკვე გამოყენებულია, მაგრამ რაიმე სერიოზული გვერდითი ეფექტები არ მოჰყოლია. ამ ვაქცინის უსაფრთხოება და ეფექტურობა მსოფლიოს ძალიან ბევრი ქვეყნის მიერ არის აღიარებული", - განაცხადა ელჩმა.
