შეერთებული შტატები და დიდი ბრიტანეთი რუსეთის წინააღმდეგ სანქციების გაფართოების საკითხს განიხილავენ, ქიმიური იარაღის გამოყენების გამო.
სააგენტო Bloomberg-ის ცნობით, ვაშინგტონი და ლონდონი სანქციების სხვადასხვა ვარიანტებს განიხილავენ, მათ შორის რუსეთის ხელისუფლებასთან დაახლოებული ოლიგარქი ბიზნესმენების პერსონალური სანქცირებასა და რუსეთის სევერენულ ვალზე სანქციების დაწესებას.
გავრცელებული ცნობით, ბრიტანეთის ხელისუფლება აპირებს დაჟინებით მოითხოვოს, რომ ქიმიური იარაღის აკრძალვის ორგანიზაციამ განაგრძოს ზეწოლა რუსეთზე და მოსთხოვოს მას პასუხები ოპოზიციის ლიდერის ალექსეი ნავალნისა და ყოფილი ორმაგი აგენტის სერგეი სკრიპალის წინააღმდეგ აკრძალული ნივთიერებების გამოყენებასთან დაკავშირებით.
შეერთებულმა შტატებმა შეიძლება გააძლიეროს რუსეთზე ზეწოლა მაგნიტსკის აქტის თანახმად, ოლიგარქებისთვის სანქციების დაწესებით. ამასთან, პრეზიდენტი ჯო ბაიდენი განიხილავს სანქციების დაწესებას ქვეყნის სუვერენული ვალის მიმართ", - იტყობინება Bloomberg News.
საერთაშიროსი საზოგადოება რუსეთს ადანაშაულებს ოპოზიციონერი პოლიტიკოსის ალექსეი ნავალნის აკრძალული იარაღით "ნოვიჩოკით" მოწამვლაში. ამ ბრალდებას ამყარებს ქიმიური იარაღის აკრძალვის მსოფლიო ორგანიზაციის მონაცემები, რომლის მიხედვითაც რუსეთი განაგრძობს ქიმიური იარაღის წარმოებას.
იგივე იარაღი გამოიყენა რუსეთის დაზვერვამ ბრიტანეთის ტერიტორიაზე ყოფილი ორმაგი აგენტის სერგეი სკრიპალისა და მისი ქალიშვილის მოწამვლისას.
ამ კვირის დასაწყისში ევროკავშირმა და შეერთებულმა შტატებმა ნავალნის საქმის ირგვლივ, რუსეთს მკაცრი სანქციები დაუწესეს.
ფოტო: AP
