საქართველოში იანვარ-სექტემბერში რეგულარული და არალეგულარული რეისებით ავიაკომპანიებმა 692 ათას 434 მგზავრი გადაიყვანეს, რაც 19 %-ით მეტია გასული ანალოგიურ პერიოდთან შედარებით.
ერთიანი სატრანსპორტო ადმინისტრაციის ინფორმაციით, 2009 წლის იანვარ-სექტემბერში გადაყვანილია 582 ათას 465 მგზავრი გადაიყვანა.
სტატისტიკური მონაცემების თანახმად, თბილისის საერთაშორისო აეროპორტი 614 ათას 453 მგზავრმა გამოიყენა, რაც გასული წლის ანალოგიურ პერიოდთან შედარებით 16 %-ითაა გაზრდილი. ბათუმის საერთაშორისო აეროპორტით ისარგებლა - 70 ათას 768 მგზავრმა, რაც გასული 9 თვის ანალოგიურ მაჩვენებლეთან შედარებით 33 %-ითაა გაზრდილი. 2010 წლის 9 თვეში ქუთაისის აეროპორტით 7 ათას 213 მგზავრმა ისარგება. აღსანიშნავია, რომ 2009 წელს ქუთაისის აეროპორტიდან რეისები არ შესრულებულა.
2010 წლის იანვარ-სექტემბერში ავიაკომპანიებმა, რომლებიც საქართველოს ბაზარზე ოპერირებენ, 6 ათას 483 რეისი შეასრულეს, საიდანაც 4 ათას 478 რეგულარული რეისი იყო, რაც 15 %-ით მეტია გასული წლის 9 თვეშუ განხორციელებულ რეგულარულ რეისებთან შედარებით.
იმავდროულად 9 თვის განმავლობაში საქართველოს გავლით სამგზავრო და სატვირთო რეისებით 10,520 ათასი ტონა ტვირთი გადაიზიდა, რაც 2009 წლის იანვერ-სექტემბრის მონაცემებს 23 %-ით აღემატება.
