მარნეულში დაშავებულმა" მთავარი არხის" ჟურნალისტმა ჯეუჰუნ მუჰამედ ალიმ საავადმყოფო დატოვა.
როგორც ის აღნიშნავს, მარნეულში აქციის მიმდინარეობისას, როდესაც ჟურნალისტურ მასალას ამზადებდა, "ქართული ოცნების" წარმოადგენლები ემუქრებოდნენ და სიტყვიერ შეურაცხყოფას აყენებდნენ.
"მაწუხებს თავის ტრავმა, ასევე მარცხენა ხელის კანქვეჩა სისხლჩაქცევებია, მაქვს თირკმელების ტრავმა, ღია ჭრილობები მაქვს თავის არეში. როცა მასალას ვაკეთებდი აქციის განმავლობაში სულ მლანძღავდენენ, მემუქრებოდნენ და მაგინებდნენ "ქართული ოცნების" წარმომადგენლები და აქტივისტები. იმ პერიმეტრზე ენ რაოდენობის პოლიცილეი იყო, 3-4 წუთის განმავლობაში ჩვენ იქ გვირტყამდენენ და ვყვიროდი პოლიციას, მაგრამ შედეგად ეს იყო", - ამბობს ჯეიჰუნ მუჰამედ ალი.
ჟურნალისტი გვიან ღამით კატასტროფის ჯგუფმა თბილისში "ნიუ ჰოსპიტალში" გადმოიყვანა. ამჟამად, მისი ჯანმრთელობის მდგომარეობა სტაბილურია და კლინიკა რამდენიმე საათის წინ უკვე დატოვა. მანამდე, პირველადი დახმარება მარნეულის ჯეო-ჰოსპიტალში აღმოუჩინეს.
გუშინ, მარნეულში "მთავარი არხის" 4 თანამშრომელს თავს დაესხნენ, დაზიანებულია "მთავარი არხის" ტექნიკაც.
ფიზიკურად გაუსწორდნენ სადამკვირვებლო ორგანიზაციის წარმომადგენელ გიორგი მუმლაძესაც.
თავს დაესხნენ საზოგადოებრივი მაუწყებლის გადამღებ ჯგუფსაც. მათ კამერა დაუმტვრიეს და ოპერატორს ფიზიკურად გაუსწორდნენ