თბილისის შიდსისა და ინფექციური პათოლოგიების ცენტრის სამედიცინო დირექტორის, მარინა ეზუგბაიას თქმით, ჯანდაცვისა და სამედიცინო სექტორები მზად არიან და [კორონავირუსის] ათეული შემთხვევები არ აშინებთ.
მისი თქმით, პანდემიასთან უკეთ გასამკლავებლად აუცილებელია მოქალაქეთა გულისხმიერება.
"ათეული შემთხვევები არ გვაშინებს. ვიცით, რომ ათეულ შემთხვევებში ქვეყანა მზად არის. სახელმწიფომ თქვენ დაგანახათ მყისიერი ქმედებები, ყველა ვერტიკალში სახელმწიფო, მთავრობა, ჯანდაცვა, სამედიცინო სექტორი. დარწმუნებული ვარ, დღეს უკვე 8 თვის გამოცდილებით ჩვენ ამ საქმის გაკეთება უფრო მყისიერად შეგვეძლება, მაგრამ ამისთვის აუცილებელია თანამოქალაქეების გულისხმიერება", - განაცხადა ეზუგბაიამ.
შეგახსენებთ, დღეს საქართველოში კორონავირუსით ინფიცირების 87 ახალი შემთხვევა გამოვლინდა.
