კომპანია Apple ახალი პროდუქტების პრეზენტაციას 15 სექტემბერს Apple Park-ში გამართავს. აღნიშნულის შესახებ ინფორმაცია უკვე განთავსებულია Event-ზე. გამოქვეყნებულ მასალაში საუბარი არ არის თუ რა ფორმატში შედგება აღნიშნული ღონისძიება - ონლაინ თუ მაყურებლების დასწრებით. ჯერჯერობით არც ისაა ცნობილი, რა ახალ პროდუქტებს წარმოადგენს "ჩაკბეჩილი ვაშლი".
ექსპერტების ვარაუდით ეს არ იქნება iPhone 12, რადგანაც მათი აზრით სმარტფონს Apple ოქტომბერში გამოიტანს.
მათი ვარაუდით, Apple ამ ეტაპზე iPad Air-ის პრეზენტაციას გამართავს, რომლის დიზაინიც iPad Pro-ს ხაზის მსგავსი იქნება.
ასევე წარმოდგენილი იქნება Apple Watch-ის ახალი ვერსია.
