მშობლებს ბავშვის საკუთრებაში არსებული მოძრავი და უძრავი ქონების განკარგვა მხოლოდ სასამართლოს თანხმობით შეეძლებათ. შესაბამისი ცვლილება შევიდა სამოქალაქო კოდექსში და ის 1-ლი სექტემბრიდან ამოქმედდება.
კოდექსში წერია, რომ ბავშვის საკუთრებაში არსებული უძრავი ნივთის მისი მშობლის ან სხვა კანონიერი წარმომადგენლის მიერ განკარგვა დასაშვებია ბავშვის საუკეთესო ინტერესების შესაბამისად, სასამართლოს თანხმობის საფუძველზე.
ასევე, ბავშვის საკუთრებაში არსებული 1 000 ლარზე მეტი ღირებულების მოძრავი ნივთის მისი მშობლის ან სხვა კანონიერი წარმომადგენლის მიერ განკარგვა დასაშვებია ბავშვის საუკეთესო ინტერესების შესაბამისად, სასამართლოს თანხმობის საფუძველზე.
თუ სასამართლო მიიჩნევს, რომ მოძრავი ან უძრავი ქონების განკარგა ბავშვის საუკეთესო ინტერესების გათვალისწინებით არ ხდება, მშობელს მისი განკარგვის უფლება ბავშვის სრუწლოვანების მიღწევამდე არ ექნება. სრულწლოვანს უფლება აქვს თავად გადაწყვიტოს მისცეს თუ არა მშობლებს მის საკუთრებაში არსებული უძრავი და მოძრავი ქონების განკარგვის უფლება.
