უცხოურ ბაზარზე ქართული ხურმის ექსპორტი უკვე დაიწყო. აჭარიდან უკრაინის მიმართულებით, სუპტროპიკული ხილით დატვირთული ბორანი უკვე გავიდა.
მიმდინარე წელს რეგიონში 2200 ტონამდე სუბტროპიკული ხურმის წარმოება მოხდება. სუბტროპიკული ხურმის ექსპორტზე რეალიზაცია 3 ოქტომბრიდან დაიწყო და დღეის მდგომარეობით უკვე რეალიზებულია 608,6 ტონა ნაყოფი. მათ შორის: 540,97 ტონა უკრაინაში, 14,3 ტონა სომხეთში, 35,7 ტონა ბელორუსში და 17,6 ტონა მოლდოვაში. უკრაინის მიმართულებით მომდევნო ბორანი 24 ოქტომბერს გავა.