ყირიმ-კონგოს ჰემორაგიული ცხელებით წყალტუბოს მცხოვრები, საშუალო ასაკის მამაკაცი გარდაიცვალა. ინფორმაციას "საზოგადოებრივი მაუწყებელი" ავრცელებს.
მაუწყებლის ინფორმაციით, ცხელებით ადამიანის გარდაცვალების ფაქს დაავადებათა კონტროლის იმერეთის სამმართველოს უფროსი, გოჩა გიორგიძე ადასტურებს.
"აღნიშნული დაავადება იმერეთის რეგიონში იშვიათია. დაავადება ჰიალომას ტკიპის ნაკბენით გადადის და შემთხვევა სოფლის მეურნეობით დაკავებულ ადამიანებში გვხვდება", - განაცხადა გიორგიძემ.
მისი განცხადებით, ინფიცირების წყარო უცნობია. შემთხვევა რამდენიმე დღის წინ მოხდა.
