- საზოგადოება 19 ივლისი 2020, 17:39
როგორი იქნება პარლამენტის მიმდებარე ტერიტორია რეაბილიტაციის შემდეგ | ფოტოები
თბილისის მერი კახა კალაძე, პარლამენტის თავმჯდომარე არჩილ თალაკვაძესთან ერთად, პარლამენტის მიმდებარე ტერიტორიის სარეაბილიტაციო სამუშაოებს გაეცნო.
კახა კალაძის თქმით, სარეაბილიტაციო სამუშაოები სავარაუდოდ ივლისის ბოლოს დასრულდება.
"ქვის ფილები განახლდა და გაიწმინდება. შევცვალეთ შადრევნები. სამუშაოები ყოველდღიურ რეჟიმში მიმდინარეობს. ფილებიც მთლიანად განახლდება თეთრი, ბუნებრივი ქვით", - თქვა კალაძემ.
მისივე თქმით, ქვის ფილები, რომლებიც 9 აპრილის ისტორიულ მოვლენას ასახავს, შენარჩუნდება.
მან ასევე წარადგინა რამდენიმე რენდერი თუ როგორი იქნება განახლებული ტერიტორია.
