ტყის ხანძრებთან საბრძოლველად ამერიკის მთავრობამ საქართველოს $232 170 ღირებულების სახანძრო მანქანა გადასცა. ინფორმაციას ამერიკის საელჩო ავრცელებს.
"ტყის ხანძრებთან ბრძოლაში საქართველოს დასახმარებლად ამერიკის მთავრობამ ქვეყანას გადასცა $232 170 დოლარის ღირებულების სახანძრო მანქანა, რომელიც აღჭურვილია ოთხი წამყვანი თვლით და მთიან რელიეფზე ცეცხლთან საბრძოლველად გაზრდილი შესაძლებლობებით.
ახალი სახანძრო მანქანა მოემსახურება საგანგებო სიტუაციების მართვის სამსახურის სამცხე-ჯავახეთის რეგიონულ განყოფილებას, რომელიც ხშირი ტყის ხანძრების საფრთხის მიმართ ერთ-ერთი ყველაზე მოწყვლადი ტერიტორიაა.
ეს დახმარება, მხოლოდ, ნაწილია აშშ-ის თავდაცვის დეპარტამენტის დიდი ძალისხმევისა, ჰუმანიტარული დახმარების პროგრამით გვერდში დაუდგეს საქართველოს საგანგებო სიტუაციების მზადყოფნის გაუმჯობესებაში", - ნათქვამია განცხადებაში.
ფოტო: ამერიკის საელჩო
