კერძო სექტორი მიიჩნევს, რომ ტურიზმის გახსნის პროცესის წარმატება ტურიზმის ადმინისტრაციის ჩართულობამ განაპირობა. ბიზნესი ამბობს, რომ მათი მხრიდან დროულად დაგეგმილმა ონლაინ ტრენინგებმა სრულად შეავსო და მოიცვა ყველა სამუშაო საკითხი.
"სასტუმრო "ადამოში" გახსნის მოსამზადებელი სამუშაოებისთვის მზადება დავიწყეთ საკმაოდ ოპერატიულად, მაშინვე როგორც კი მივიღეთ სახელმწიფო რეგულაციების გაიდლაინი სასტუმროებისთვის. თუმცა პროცესის წარმატება უდაოდ განაპირობა ტურიზმის ადმინისტრაციის ჩართულობამ, რადგან მათი მხრიდან დროულად დაგეგმილმა ონლაინ ტრენინგებმა სრულად შეავსო და მოიცვა ყველა სამუშაო საკითხი.
პასუხი მივიღეთ ყველა ღია კითხვაზე და ინტენსიურად დავიწყეთ სტანდარტების აღსრულება. სტანდარტიზაციის დასრულებისთანავე გავიარეთ რეგისტრაცია ეკონომიკური საქმიანობის აღდგენისთვის და ვუმასპინძლეთ იმ კვალიფიციურ ექსპერტებს, ვინც დაგვიდასტურა სტანდარტების სისწორე. გულწრფელად რომ გითხრათ, სასტუმრო იმდენად მომზადებულია ახალ ინფექციასთან საბრძოლველად რომ მცირედი ეჭვის საფუძველსაც არ ტოვებს სტუმრებისა და თანამშრომლების ჯანმრთელობის დასაცავად. სასტუმრო ადამოს კარი 15 ივნისიდან ღიაა. მზად ვართ ვუმასპინძლოთ როგორც ჩვენი ქვეყნის მოქალაქეებს, ასევე საერთაშორისო მისიებს", აცხადებს სასტუმრო "ადამოს" მენეჯერი მაია მახათაძე.
