ბაზრობის ტერიტორიაზე ხანძრის ჩასაქრობად მობილიზებული 21 სახანძრო ავტოსისტემა, თუმცა დამატებითი ჯგუფები რუსთავიდან და წყნეთინ გამოიძახეს. ამის შესახებ საგანგებო სიტუაციების მართვის სამსახურის თბილისის მთავარი სამმართველოს უფროსმა, ოთარ კერესელიძემ განაცხადა.
მისი თქმით, დაშავებულებზე ამ დროისთვის ინფორმაცია არ არსებობს.
"დიდი გართულებები ამ ეტაპზე არ არის. აქვეა ბენზინგასამართი სადგური. მეხანძრე-მაშველები ადგილზე არიან მობილიზებული, როგორც ქვედა მხრიდან, ისე ზედა მხრიდან. მაქსიმალურად უმოკლეს დროში შეეცდებიან, რომ მოხდეს ხანძრის დროული ლოკალიზება. დაშავებულებზე ამ დროისათვის ინფორმაცია არ გვაქვს", - აცხადებს ოთარ კერესელიძე.
ფოტო: არქივი
