თქვენ დროს 1 ლარად გაყიდული შენობები, ჩვენ იგივე პირობებით 3.5 - 4.5 მილიონ ლარად გავყიდეთ, ეს არის ინვესტიცია“- ამის შესახებ აჭარის სოფლის მეურნეობის მინისტრმა ტიტე აროშიძემ აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა "თავისუფალ სივრცეში" განაცხადა.
როგორც აროშიძემ განმარტა დღეს აჭარაში გაჩერებული პროექტები აღარ არის.
"რაც შეეხება ინვესტიციებს, ეს არის 1 ლარად გაყიდული ქონებები. მაგალითისთვის „მეტრო სიტის“ პროექტი, რომელიც 1 ლარად იყო გადაცემული, ჩვენს დროს უკვე გაიყიდა 3.5 მლნ ლარად. ასევე „ენვილ ბათუმის“ პროექტი, რომელიც თქვენ დროს 1 ლარად იყო გადაცემული, ხოლო ჩვენს დროს მისი საპრივატიზაციო ღირებულება დაახლოებით 4.5 მლნ ლარს შეადგენდა.
ამიტომ, როდესაც საუბრობთ ინვესტიციებზე, უნდა იცოდეთ რომ თქვენს მიერ 1 ლარად იყო გაყიდული ქონებები, ჩვენ და ჩვენმა ხელისუფლებამ მოახერხა, რომ ძალიან დიდი კაპიტალ დაბანდება განეხორციელებინა ბიუჯეტში და საინვესტიციო პროექტებად ექცია. აჭარაში ჩვენ დღეს გვაქვს გაუჩერებელი პროექტები", განმარტა ტიტე აროშიძემ.
