1-ლი ივლისიდან, 70 წელს გადაცილებულ პირთა პენსია 30 ლარით გაიზრდება და 250 ლარს მიაღწევს, მაღალმთიან სოფლებში კი, 300 ლარი იქნება. ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.
"ჩვენს პენსიონერებს, 70 წელს ზემოთ, გაეზრდებათ პენსია 30 ლარით, მათი პენსია მიაღწევს 250 ლარს. გარდა ამისა, მაღალმთიან სოფლად მცხოვრები ჩვენი პენსიონერები კიდევ უფრო მეტ პენსიას მიიღებენ და მათი საპენსიო სარგებელი იქნება 300 ლარი. რაც კრიტიკულად მნიშვნელოვანია, ჩვენ მოვახერხეთ, ჩავდეთ დაზღვევის მექანიზმები, რომლებიც გარანტირებულად, ყოველწლიურად ჩვენს პენსიონერებს აძლევს შესაძლებლობას, პენსია გაიზარდოს", - განაცხადა გიორგი გახარიამ.
მისი თქმით, პენსიის ზრდა დაკავშირებული იქნება, როგორც ინფლაციასთან, ასევე 70 წელს ზემოთ პენსიონერებისთვის ეკონომიკური ზრდის 80-პროცენტიან მაჩვენებელთან.
