საქსსაქართველოში საარსებო მინიმუმის ოდენობა შემცირდა. „საქსტატს“ მონაცემებით, აპრილში წინა თვესთან შედარებით, შრომისუნარიანი ასაკის მამაკაცის საარსებო მინიმუმი 6.5 ლარით შემცირდა და 199.6 ლარი შედაგინა. საშუალო მომხმარებლის საარსებო მინიმუმმა კი 176.8 ლარი შეადგინა, რაც 5.8 ლარით ნაკლებია მარტის მაჩვენებელზე. შესაბამისად, შემცირებულია საშუალო ოჯახის საარსებო მინიმუმი და აპრილში მარტტთან შედარებით, 10.9 ლარით ნაკლები, 334.8 ლარი შედაგინა.
რაც შეეხება საარსებო მინიმუმს, სულადობის მიხედვით, მარტში შემდეგი მონაცემები ფიქსირდება: ერთსულიან ოჯახზე თანხა 176.8 ლარით განისაზღვრა, ორსულიანი – 282.8 ლარით, სამსულიანი – 318.2 ლარით, ოთხსულიანი – 353.6 ლარი, ხუთსულიანი – 397.8 ლარი, ექვსსულიანი და მეტი – 470.2 ლარი.
2004 წლიდან საქსტატი საარსებო მინიმუმის მაჩვენებლებს ანგარიშობს იმ მინიმალური სასურსათო კალათის მიხედვით, რომელიც შედგება 40 დასახელების პროდუქტისგან – პური, ბურღულეული, ხორცი, რძის პროდუქტები, ბოსტნეული და საკონდიტრო ნაწარმი.
