2020 წლის აპრილში საქართველოში სანავთობო ბიტუმის იმპორტმა 3,5 ათასი ტონა შეადგინა, რაც 3,0 ათასი ტონით ანუ 46,1%-ით ნაკლებია მარტის თვის მაჩვენებელთან (6,5 ათასი ტონა) შედარებით და 10,8 ათასი ტონით ანუ 7,3%-ით ნაკლებია გასული წლის ანალოგიური პერიოდის მაჩვენებელთან (10,8 ათასი ტონა) შედარებით.
ნავთობპროდუქტების იმპორტიორთა კავშირის ინფორმაციით, იმპორტის 85,7%-ი (3,0 ათასი ტონა) განხორციელდა აზერბაიჯანის რესპუბლიკიდან, 8,6% (0,3 ათასი ტონა) - სომხეთიდან, 2,9% (0,1 ათასი ტონა) - ირანის ისლამური რესპუბლიკიდან და 1,1% (0,04 ათასი ტონა) - რუსეთიდან.
მიმდინარე წლის იანვარ-აპრილის თვეების განმავლობაში სანავთობო ბიტუმის იმპორტმა შეადგინა 17,8 ათასი ტონა, რაც 12,2 ათასი ტონით ანუ 40,7%-ით ნაკლებია გასული წლის ანალოგიური პერიოდის მაჩვენებელთან (30,0 ათასი ტონა) შედარებით.
აქედან იმპორტის 50,6% (9,0 ათასი ტონა) მოდის აზერბაიჯანზე. შემდეგ მოდიან: ირანის ისლამური რესპუბლიკა - 39,9% (7,1 ათასი ტონა), ერაყი - 5,6% (1, 0 ათასი ტონა), სომხეთი - 1,7% (0,3 ათასი ტონა), გაერთიანებული ემირატები - 1,1% (0,2 ათასი ტონა), რუსეთი - 0,2% (0,04 ათასი ტონა).
სანავთობო ბიტუმის იმპორტის შემცირება პირდაპირ კავშირშია COVID 19-დან გამომდინარე შეზღუდვებთან. კერძოდ, ამის გამო ირანის ისლამური რესპუბლიკიდან ვეღარ ხდება ქვეყანაში პროდუქციის იმპორტის განხორციელება.
