ელექტროენერგიის ვაჭრობა დღით ადრე, დღიური და ორმხრივი ხელშეკრულებების ბაზრებზე უნდა დაიწყოს 2021 წლის ივლისში.
Galt & Taggart-ის ინფორმაციით მანამდე ვაჭრობა გაგრძელდება ორმხრივი ხელშეკრულებების ფორმით, როგორც ეს დღეს ხდება.
ენერგეტიკული ბირჟა, რომელიც დაარსდა 2019 წლის დეკემბერში, როგორც ესკოს და საქართველოს სახელმწიფო ელექტროსისტემის ერთობლივი საწარმო, მუშაობს Nord Pool კონსალტინგთან ერთად სავაჭრო პლატფორმების შექმნაზე და მისი ოპერირების წესების შემუშავებაზე.
ისინი გვპირდებიან, რომ პლატფორმების პირველადი გაშვება მოხდება 2020 წლის ივლისში და ერთწლიანი ტესტირების შემდეგ დაიწყება სრულმასშტაბიანი ოპერაციები.
