შესაძლებელია, აჭარა იყოს ერთ-ერთი იმ ოფციებს შორის, რომელიც იქნება დამატებით „მწვანე ზონად“ დაპოზიციონირებული, აცხადებს ტურიზმის ეროვნული ადმინისტრაციის ხელმძღვანელი, როგორც მარიამ ქვრივიშვილმა ტურიზმის ამოქმედების ანტიკრიზისული გეგმის წარდგენის შემდეგ განაცხადა, საქართველოში შიდა ტურიზმი 15 ივნისიდან იხსნება და აჭარის სასტუმროებს საკმაოდ დიდი გამოცდილება დაუგროვდათ იმ მიმართულებით, რომ სეზონმა მშვიდად და რაც მთავარია ყოველგვარი გართულებების გარეშე ჩაიაროს.
"აჭარა ყოველთვის იყო ჩვენთვის ერთ-ერთი ძალიან ღირებული ტურისტული მიმართულება. ჩვენ ყველა ტურისტულ ლოკაციას ვუდგებით ერთიანად. შესაძლებელია, აჭარა იყოს ერთ-ერთი იმ ოფციებს შორის, რომელიც იქნება დამატებით "მწვანე ზონად" დაპოზიციონირებული. მე ასევე გამოვყოფდი ძალიან ღირებულ გამოცდილებას, რომელიც აჭარაში არსებულმა სასტუმროებმა უკვე დანერგეს კარანტინის პროექტით. საკმაოდ დიდი რაოდენობით სასტუმროები გვაქვს ათვისებული ამ პროექტის ფარგლებში. მჭიდროდ ვთანამშრომლობთ აჭარაში მყოფ კერძო სექტორთან და საბოლოო ჯამში ჩვენ მთავარი მესიჯი გვაქვს ის, რომ 15 ივნისიდან ჩვენი ქვეყნის მოქალაქეები, ისევე როგორც აჭარაში, სხვა ტურისტულად აქტიურ ადგილებში იმოგზაურებენ და 1-ელი ივლისიდან საერთაშორისო მოგზაურებს ექნებათ საშუალება მათთვის სასურველ კურორტებზე იმოგზაურონ", განაცხადა მარიამ ქვრივიშვლმა.
