სასაზღვრო გამშვებ პუნქტზე COVID-19-ზე ტესტირების დროდ 1 საათი განისაზღვრა. როგორც ტურიზმის ეროვნული ადმინისტრაციის ხელმძღვანელი განმარტავს, საქართველო მსოფლიოს თანამედროვე სტანდარტების დანერგვაში არასოდეს ჩამორჩენილა. მარიამ ქვრივიშვილის ამბობს, რომ ყველაფერი გაკეთდება იმისათვის, რომ ტურიზმის ინდუსტრია, უნებლიეთ ვირუსის იმპორტიორი, არ გახდეს.
„ეს მნიშვნელოვანი რგოლია და შემდგომ განსახორციელებელი პროექტი, პრემიერ-მინისტრმა უკვე განაცხადა, რომ მან გასცა დავალება ჯანდაცვის სამინისტროს. თუ როგორ უნდა მოხდეს მაქსიმალურად შემჭიდროებულ ვადებში, ერთი საათით მოხდეს შემოწმება საქართველოში შემოსული მოგზაურების თუ ვიზიტორების.
ბუნებრივია მნიშვნელოვანია, ხაზი გავუსვათ, რომ საქართველო არასდროს ჩამორჩენილა სტანდარტებს, პირიქით ჩვენ ვიქნებით ერთ-ერთი პირველი ქვეყანა, რომელიც შეიმუშავებს ისეთ საერთაშორისოდ აღიარებულ ინსტრუქციებს, ყველა სასაზღვრო გამშვებ პუნქტზე, ეს იქნება საერთაშორისო აეროპორტები თუ სახმელეთო სასაზღვრო პუნქტები, ეს გვეხმარება ჩვენ უკვე წინ ვართ უსაფრთხო დერეფნებთან დაკავშირებულ მოლაპარაკებებში. მსოფლიო ტურიზმის ორგანიზაცია აღნიშნავს საქართველოს ძალიან წარმატებულ ისტორიას და აქედან გამომდინარე ფაქტია, რომ ჩვენი არსებული გეგმა დააზღვევს, რომ ტურიზმის ინდუსტრია არ გახდეს უნებლიეთ ვირუსის იმპორტიორი“, - განაცხადა მარიამ ქვრივიშვილმა.
