რუსეთში, თავდაცვის ძალების საკათედრო ტაძრის მოზაიკიდან რუსეთის პრეზიდენტის ვლადიმირ პუტინის გამოსახულება ამოიღეს. იუწყება რუსული გამოცემა "კომერსანტი".
მანამდე გამოქვეყნდა ტაძრის ინტერიერის ელემენტების ფოტომასალა, რომელზეც ჩანდა მოზაიკის ფრაგმენტები, სადაც გამოსახული იყო რუსეთის ფედერაციის პრეზიდენტი და უამრავ სხვა რუსი პოლიტიკოსი და თანამდებობის პირი.
ორშაბათს, რუსეთის პრეზიდენტის პრესსპიკერმა დიმიტრი პესკოვმა თქვა, რომ ვლადიმერ პუტინს არ მოუთხოვია, მოზაიკიდან მისი გამოსახულების ამოღება, თუმცა თქვა, რომ ტაძარში მისი პორტრეტის გამოსახვა ნაადრევია.
"ერთ დღესაც ჩვენი მადლიერი შთამომავლები დააფასებენ ჩვენს დამსახურებას, მაგრამ ახლა ეს ძალიან ადრეა", - უთქვამს პუტინს პესკოვის განცხადებით.
უზარმაზარი საკათედრო ტაძარი მოსკოვის მახლობლად პატრიოტების პარკში მდებარეობს და მისი გახსნა 9 მაისს იყო დაგეგმილი, თუმცა პანდემიის გამო თარიღი შესაძლოა გადაიდოს.
იუწყებიან, რომ გახსნის შემდეგ, 95-მეტრიანი კონსტრუქცია მსოფლიოში ყველაზე მაღალი მართლმადიდებლური ტაძარი იქნება.
