შეერთებული შტატების ყოფილ ვიცე-პრეზიდენტისა და პრეზიდენტობის ახლანდელი კანდიდატის 77 წლის ჯო ბაიდენის ყოფილმა თანამშრომელმა ტარა რიდიმ გააკრიტიკა ჰილარი კლინტონის გადაწყვეტილება, მხარი დაუჭიროს ადამიანს, რომელმაც ის სექსუალურად შეავიწროვა. იუწყება ტელეარხი Fox News-ი.
ბაიდენი საპრეზიდნტო კანდიდატობის მთავარი და ერთადერთი პრედენტენტია დემოკრატების მხრიდან.
ცოტა ხნის წინ გამოცემა Business Insider-ი წერდა, რომ ბაიდენის ყოფილმა თანამშრომელმა მის წინააღმდეგ საჩივარი შეიტანა ვაშინგტონის პოლიციაში და ის სექსუალურ ძალადობაში დაადანაშაულა.
ტარა რიდი ამტკიცებს, რომ ბაიდენი მას 1993 წელს ავიწროვებდა, როდესაც სენატორი იყო. ქალის თქმით, ინციდენტი აშშ-ის სენატის კორიდორში მოხდა, სადაც ბაიდენმა მას კაბის ქვეშ ხელი შეუცურა და სექსუალური ხასიათის ქმედება ჩაიდინა. პირველად რიდმა ბაიდენი გასული თვის ბოლოს დაადანაშალა, ბაიდენის გუნდმა ბრალადებას სიცრუე უწოდა.
როგორც ტელარახი იუწყება, რიდმა განცხადება მას შემდეგ გააკეთა, რაც ჰილარი კლინტომა ბაიდენს მხარდაჭერა გამოუცხადა.
"მე 2016 წელს ხმა მივეცი ჰილარი კლინტონს... მთელი ცხოვრება მხარს დემოკრატებს ვუჭერდი. მაგრამ დღეს ვხედავ, რომ ვიღაც ეხმარება სექსუალურ მტაცებელს , ჩემს ყოფილ უფროსს, ჯო ბაიდენს", - განაცხადა რიდმა.
ბაიდენის საარჩევნო კამპანიის წარმომადგენლები რიდის ბრალდებას სასტიკად უარყოფენ.
