პრობაციონერები 14 აპრილამდე ბიუროში გამოცხადების ვალდებულებისგან გათავისუფლდნენ, - “ამის შესახებ საქართველოს იუსტიციის მინისტრმა, თეა წულუკიანმა მთავრობის სხდომის დასრულების შემდეგ განაცხადა.
„მივმართავ საქართველოში ყველა პრობაციონერს - დღეიდან 14 აპრილის ჩათვლით, ყველანი ხართ გათავისუფლებული პრობაციის ბიუროებში გამოცხადებისგან. ეს ნიშნავს იმას, რომ ე.წ. თითის დადება ან პრობაციის ოფიცერთან, სოცმუშაკთან ან ფსიქოლოგთან ჩანიშნული სავალდებულო შეხვედრები არის გაუქმებული. თქვენი მოსვლის ვალდებულების შეუსრულებლობა დღეიდან 14 აპრილის ჩათვლით ჩაითვლება საპატიოდ და არავითარი სამართლებრივი შედეგი ამ გამოუცხადებლობას არ მოჰყვება.კიდევ ერთხელ ვიმეორებ - პრობაციონერებს 14 აპრილამდე ვათავისუფლებთ რეჟიმის ვალდებულებების შესრულებისგან“, – განაცხადა თეა წულუკიანმა.
