გერმანიის ფედერაციული რესპუბლიკის კანცლერი ანგელა მერკელი აცხადებს, რომ ქვეყნის ჯანდაცვის უწყებისა და სამედიცინო ექსპერტების ვარაუდით, მოსახლეობის 60-70% შესაძლოა კორონავირუსით დაინფიცირდეს. ინფორმაციას BBC-ი ავრცელებს.
მისივე თქმით, ვინაიდან გერმანიაში კორონავირუსით ინფიცირებულის განკურნება ჯერჯერობით არ დაფიქსირებულა, სამთავრობო უწყებებმა განსაკუთრებული ყურადღება ვირუსის გავრცელების პრევენციისკენ უნდა მიმართონ.
"იმის გათვალისწინებით, რომ ვირუსი ვრცელდება, მოსახლეობას მის მიმართ არ აქვს იმუნიტეტი გამომუშავებული და არც ვაქცინა არ არსებობს, მოსახლეობის 60-70% შესაძლოა, დაინფიცირდეს", - თქვა ანგელა მერკელმა.
კანცლერის განცხადებით, ქვეყანა უნდა ფოკუსირდეს ვირუსის გავრცელების პრევენციაზე, თუმცა ეს სამედიცინო პერსონალის "გადაწვის" ხარჯზე არ უნდა მოხდეს.
