სტატისტიკის ეროვნულმა სამსახურმა 2019 წლის მეოთხე კვარტლის პირდაპირი უცხოური ინვესტიციების (FDI) ამსახველი ანგარიში გამოაქვეყნა.
აჭარაში პირდაპირი უცხოური ინვესტიცია 2019 წლის ოთხივე კვარტლის ჯამური მონაცემით, წინა წელთან შედარებით 174% გაიზარდა. 2018 წელს FDI-ს საერთო მოცულობა 75,5 მილიონ დოლარს შეადგენდა, ხოლო 2019 წლის მონაცემებით უცხოურმა ინვესტიციამ 207 მილიონ დოლარს მიაღწია.
2019 წელს ჯამურად საქართველოში $1,2 მილიარდი დოლარის პირდაპირი უცხოური ინვესტიცია შემოვიდა, საიდანაც აჭარის წილი 16.3%-ია.
